Creedence segir allt sem segja þarf

Svalir, endalaust svalir.

Bretland sömu leið og Ísland?

You raise me up - margmiðlunarefni.

Bara smá video frá you tube, yndislegt lag með góðan boðskap, og mér datt strax í hug ABC hjálparstarfið sem varð fyrir ráni ekki fyrir svo löngu.  Þetta lag á við í öllum erfiðleikum sama hvar þeir eru. Njótið og gangið á Guðs vegum.

Noh, það á bara að taka það litla sem þessi hópur á fyrir

sem er, og þið getið treyst mér í þessu, nákvæmlega ekkert. þetta er með eindæmum hvað þessi ríkistjórn er ömurlegt hyski, já ég sagði hyski.  Velferðarsamfélag, sker ekki niður hjá þeim sem minna mega sín, það er til háborinnar skammar og ættu þeir sem koma þarna að lúta höfði af skömm.

er ég reið...nah ég er öskureið...

Kem inn á þetta aftur á eftir, þegar ég er búin að jafna mig.  Þangað til bless á meðan.

Jæja þá er ég búin að jafna mig og vitanlega að leita eftir einhverju jákvæðu til að setja hér inn, og fann það.  Taki þeir þetta orð til sín sem greinilega þurfa á því að halda, er ég nokkuð of höst núna, vona ekki. En eins og ég hef sagt áður..æi læt það bara liggja, og segi njótið spekinnar. Eftirfarandi er úr Síraksbók 4 kafla.

Ver mildur við fátæka

¹Barnið mitt, sviptu ekki bágstaddan björg,
lát eigi þurfandi augu lengi mæna.
² Særðu ekki þann sem sveltur,
skaprauna þeim eigi sem líður skort.
³ Auk ekki angur þess sem þegar er bitur
og drag ekki nauðstaddan á gjöf þinni.
⁴ Synja ei bón aðþrengds manns
og snú eigi baki við fátækum.
⁵ Bein eigi sjónum frá þurfandi manni
og gef honum ekki ástæðu til að formæla þér.
⁶ Biðji hann þér bölbæna í nístandi biturð
mun sá sem hann skóp heyra bæn hans.
⁷ Gjör þig kæran söfnuðinum,
auðsýn valdsmönnum virðingu.
⁸ Hlýð á orð fátæks manns,
svara ávarpi hans vingjarnlega.
⁹ Bjarga ofsóttum frá ofsækjendum
og ver fastur fyrir þegar þú dæmir.
¹⁰ Vertu munaðarlausum sem faðir
og ekkjum stoð í makans stað.
Þá munt þú verða Hinum hæsta sem sonur,
hann mun elska þig meir en móðir þín.

 

 

Efnt til útifundar á mánudag

Þetta kemur á óvart?

Ég sá þetta fyrir, þetta kemur mér því miður ekkert á óvart, ég hef miklar áhyggjur af lífi verðandi forseta BNA, hatrið á blökkumönnum er svo rosalegt hjá sumum og í sumum ríkjum BNA.  Rasismi er líka smitandi, ég veit af fólki sem hefur sótt nám í suðurríkjum BNA og kemur heim talandi illa um svarta, leti þeirra, gleypahneigð og meira að segja lyktina af þeim

Rasismi nær yfir alla þætti lífsins og öllum félagslegum stigum lífsins, hvort um sé að ræða að hálfu  hvítra eða þeirra sem teljast til "litaða kynstofnsins".  Eitt dæmi, þegar óeirðirnar urðu í south Central LA, fyrir hvað rúmum 18 árum circa(vegna niðurstöðu réttarhalda yfir hvítum lögreglu mönnum í máli Rodney King), þá  réðust svartir á hvíta, og brenndu sín eigin hverfi og búðir, svo réðust Kóreu menn á svarta fyrir að ráðast á og brenna búðir þeirra sem voru í south Central, þetta var skuggalegt ástand og ég vona að svona mun ekki koma fyrir  aftur

Já það er mikið lagt á herðar hans Obama heima fyrir, erlendis og kynþátta átök..skuggalegt.  Maðurinn á eftir að sýna sig og sanna, það gefur alveg augaleið og kröfur samfélagsins sem eru í Bna mun ætlast til mikils af honum, meira en hvítum forverum hans, framtíð svartra framamanna mun standa og falla með Barrack Husseins Obama, réttlátt, sjálfsagt ekki, en staðreynd engu að síður.

 

 

„Farðu aftur til Afríku“

Kjósa Kristnir aðalega íhaldið - Könnun

Ég var að pæla í þessu, því ég hef tekið eftir því hjá sumum að Geiri og Dabbi dæmalausi virðast ekki geta gert neitt rangt.

Það væri rosalega gaman vita hvað þið haldið, með því að svara könnuninni hér til hægri, og svo að fá umræðu um málið í athugasemdir.  Eina sem ég bið um að fólk gæti þess að vera ekki með nein ljótayrði eða persónu árásir.

 

Enginn grætur Íslending

Sagði Jónas Hallgrímsson í ljóði einu.  Það má með sanni segja að við erum e.t.v. að upplifa slíka höfnun, þó svo við séum ekki búin að fá kossinn frá torfu, þó eru margir svo neikvæðir að þeir eru búnir að jarða þjóðina með orðum, sem eru svo langt frá því að gefa fólki von.

Vitanlega eigum við að fá allt hreint og beint í æð, það er óþarfi að fegra slæmt ástand, við tökum því sem koma skal eins og okkur er vant, að íslenskum sið. "þetta reddast".  Þetta er hinn jákvæði arfur hins sanna landa, og það mun eflaust reyna á þessi orð í nánustu framtíð. Eitt er víst ég er ekki tilbúin að játa mig sigraða, hvað þá að fá hinsta kossinn af grænni torfu.......

Persónulega langar mig að leyfa Jónasi Hallgrímssyni að eiga hér nokkur orð, sem eru mjög við hæfi, ljóð og hluti af útskriftarræðu hans.

Enginn grætur Íslending
einan sér og dáinn.
Þegar allt er komið í kring
kyssir torfa náinn.

„Marga saklausa, yndisfulla gleði hefur guð íheiminum veitt hvörjum sem hennar rétt leita", segir í prófræðunni frá 1829, en næstumgengninni við guð og ánægjunni yftr afloknu skylduverki mun „engin svo hrein,engin sem líkist eins heimsins sælu og gleðin af umgengni við dyggðuga vini...Heilbrigði sálar og líkama, fáeinir vinir og daglegt brauð, þetta er sú jarðneskafarsæld sem vér viljum biðja guð að veita oss og sjálfir leita réttvíslega".

Yndislegt og viðeigandi orð Jónasar, orð sem eiga vel við í dag.

Ávísun á risagjaldþrot ef lán fæst ekki frá IMF

Einmitt það

Þetta voru okkar svo kallaðir vinir, að eiga svona vini veit ég að ég kæri mig ekki um neina óvini. Takk fyrir.  Sjáum hvað Jeremía hefur að segja um græðgi og svik hér á eftir. 

Reiði mín er eingu minni en hjá næsta manni, en ég kýs að láta hana ekki ná völdum á mér, ég kýs að fara eftir vilja Guðs og jú mótmæla á laugardaginn, eins og ég sagði við Kidda frá kef þá væri ég nú mótmælendatrúar og því væri slíkt alveg við hæfi Njótið dagsins, hann er sá sem við höfum, morgun dagurinn sér um sín vandamál. Brosið framan í hvort annað þó það sé erfitt, heilsið með hlýju og þú munt fá það margfalt til baka.

Jer 17:9-13

9 Svikult er hjartað fremur öllu öðru, og spillt er það. Hver þekkir það?

    10 Ég, Drottinn, er sá, sem rannsaka hjartað, prófa nýrun, og það til þess að gjalda sérhverjum eftir breytni hans, eftir ávexti verka hans.

    11 Sá, sem aflar auðs og eigi með réttu, er eins og akurhæna, sem liggur á eggjum, er hún eigi hefir orpið. Á miðri ævinni verður hann að yfirgefa auðinn og við ævilokin stendur hann sem heimskingi.

    12 Hásæti dýrðarinnar, hátt upp hafið frá upphafi, er staður helgidóms vors.

    13 Þú von Ísraels _ Drottinn! Allir þeir, sem yfirgefa þig, skulu til skammar verða. Já, þeir sem vikið hafa frá mér, verða skrifaðir í duftið, því að þeir hafa yfirgefið lind hins lifandi vatns, Drottin.

 

Já, svona er eru orð Drottins, fyrir þá sem spilltir eru ,þetta á við allar þjóðir, allan heiminn. Svo má lesa áfram í Jeremía 17:14-18 um þá von sem við eigum í Guði ef við bara tökum okkur stöðu með honum.

14 Lækna mig, Drottinn, að ég megi heill verða; hjálpa mér, svo að mér verði hjálpað, því að þú ert minn lofstír.

    15 Sjá, þeir segja við mig: "Hvar er orð Drottins? Rætist það þá!"

    16 Ég hefi ekki skotið mér undan því að vera hirðir eftir þinni bendingu, og óheilladagsins hefi ég ekki óskað _ það veist þú! Það, sem fram gengið hefir af vörum mínum, liggur bert fyrir augliti þínu.

    17 Vertu mér ekki skelfing, þú athvarf mitt á ógæfunnar degi!

    18 Lát ofsóknarmenn mína verða til skammar, en lát mig ekki verða til skammar. Lát þá skelfast, en lát mig ekki skelfast. Lát ógæfudag koma yfir þá og sundurmola þá tvöfaldri sundurmolan!

 

Ísland stendur frammi fyrir gjaldþroti

Hreint og beint frábærir styrktartónleikar fyrir mikilvægt málefni.

Ég var þarna í boði múttu, og ég skemmti mér rosalega vel, yndislegt að sjá hvað "við getum" ef við vinnum saman.  Þarna að baki stóðu yndislegar persónur, úr öllum stigum þjóðfélagsins, og ég er svo lánsöm að hafa tekið þátt með því að vera á þessum tónleikum.  Ég ætla að leyfa mér að birta hér upplýsingar um söfnunar reikning "þú  getur" og ég vona að fólk styðji þetta frábæra framtak.

Sagt er orðrétt í sýningarbæklingnum frá Forvarna-og fræðslusjóðnum "Þú Getur":

Þeim sem styðja vilja sjóðinn með upphæð að eigin vali er bent á reikning nr. 1158-26-1300, kennitala 621008-0990.

 

Rokkað gegn fordómum

Hegðið yður eigi eftir öld þessari,.....

Það er svo auðvelt að verða reiður þessa daganna, látið mig kannast við það, ég slepp ekki við tök reiðinnar frekar en aðrir.  Þegar ég heyrði þessa frétt um umæli forsetans þá sagði ég við sjálfa mig, "gott hjá honum" hættum að láta troða okkur um tær o.s.f.v.  

En, eins og mér er vant rann af mér reiðinn, og ég fór út að ganga, með litla yndið mitt (hundurinn ), þegar ég geng þá er ég á bæn, ég hætti ekki að biðja fyrr en ég kem heim aftur, og það kemur fyrir að ég fái opinberun, það skeður bara þegar ég næ að opna það sem ég kalla bænargáttina, þegar opinberun á sér stað, fyllist ég af kyrrð og auðmýkt.

Í dag var opinberað eftirfarandi:

Ekki hætta að biðja fyrir þjóð og leiðtogum hennar, hvettu fólk til þess að biðja, og fyrirgefa misgjörðir allra sem fara gegn þér (okkur) Eina leiðin fyrir okkar þjóð að sigrast á þessu ástandi er með bæn og sækja í Drottinn, þá fyrst fer að koma lausn inn í mál þjóðarinnar,  og hann mun leiða okkur út úr þessu.  En við verðum að sækja í hann, með auðmýkt og fyrirgefningu í hjarta, og gegn þeim sem okkur finnst ofsækja okkur mun Drottinn mun leiða okkur til sigurs.

Auk þess fann ég á mér að við ættum að íhuga varlega Faðir vorið þegar við förum með það og nota það óspart þegar við biðjum, hugleiða hvert orð og leyfa því að fæða okkur andlegri næringu. Með því að smella á "rauðletrað Faðirvorið farið þið í allan kaflan sem á mjög vel við í dag og er góð lesning".

Orð ritningarinnar í dag eru tvíþætt eitt eru úr Rómverjabréfi 12:2 takið þetta orð, íhugið það, þar til það nær að festa sig. Næsta orð er úr Jeremía 17:7-8, ég heyrði þetta orð á Lindinni þegar útvarpað var frá samkomu hjá Fíló og það snart mig djúpt og það á mjög vel við, í mínum pælingum í dag.

2Hegðið yður eigi eftir öld þessari, heldur takið háttaskipti með endurnýjung hugarfarsins, svo að þér fáið að reyna, hver sé vilji Guðs, hið góða, fagra og fullkomna

7Blessaður er sá maður, sem reiðir sig á Drottin og lætur Drottin vera athvarf sitt.

    8Hann er sem tré, sem gróðursett er við vatn og teygir rætur sínar út að læknum, _ sem hræðist ekki, þótt hitinn komi, og er með sígrænu laufi, sem jafnvel í þurrka-ári er áhyggjulaust og lætur ekki af að bera ávöxt

Forsetinn gagnrýndi nágrannaríki

Blogghittingur og bland í poka - Slideshow.

Jæja það kom að því að það var smá blogghittingur hjá okkur trúuðu, Rósa okkar á heiðurinn að kalla okkur saman og við áttum góða stund á Cafe Milanó, sem er vitanlega bara kózy og góður staður að hittast. Margt var rætt og hlegið. Stundum var tekið létt á árinni, stundum þungt, en, eitt er víst að þarna er fyrirmyndar fólk á ferð sem gefur af sér skemmtilegan og góðan þokka, flesta var ég að hitta í fyrsta skipti, fyrir utan Guðrúnu, Rósu og Erling  Svo gaman að eignast nýja vini taka vinasambandið út fyrir bloggið. Ég vona að við gerum þetta aftur fljótlega og fleiri gefi sér tíma að koma að vera með.

Hópurinn var samansettur af fólki úr þjóðkirkjunni, Hvítasunnu, Bænahúsinu, Kærleikanum, Íslensku Kristkirkjunni og KFUK.

Hún Birna Dís gaf okkur svo yndislegt orð að ég má til með að deila því, það er úr Rómverjabréfi 12 kafla versi 2.

2Hegðið yður eigi eftir öld þessari, heldur takið háttaskipti með endurnýjung hugarfarsins, svo að þér fáið að reyna, hver sé vilji Guðs, hið góða, fagra og fullkomna.

Í áframhaldi vildi ég benda á kyrrðarstund hjá Íslensku Kristkirkjunni í Grafarvogi á þriðjudögum kl 20, endilega kíkið og leyfið ró og kærleika að fylla hjarta ykkar og sál.  Á Miðvikudögum er svo Bænahúsið með samverustund í húsi Kærleikansá bak við INNX í Faxafeninu sem byrjar kl 20, þar er líka hægt að kíkja og fá næringu fyrir sálina á þessum erfiðu tímum. Síðast en ekki síst, þá ætla ég að leyfa mér að taka af skarið og segja ykkur þau dásamlegu tíðindi að önnur Bænarganga verður farin frá Hallgrímskirkju þann 7 desember næstkomandi, beðið verður fyrir landi og þjóð og eru allir velkomnir. Aðstandendur mun auglýsa viðburðinn síðar.

 

Mikil hiti í fólki og undarleg stemming - Slideshow af uppátækinu

Ég hef aldrei farið á mótmæli áður, og mér tókst loksins að komast á þessi enda hefur slíkt staðið til í langan tíma.  Ástandið á bak við Alþingis húsið var á tíma frekar magnþrungið, það lá við að maður yrði troðin undir, náði nokkrum myndum þaðan. Hér fyrir neðan er þetta sem mætti kalla bland í poka frá mótmælum réttlátra

Eggjum kastað í Alþingishúsið

Snúðu baki við því ytra og sæktu í það sem er innra með þér..

Ég eins og þið geri mér grein fyrir ástandinu, en ég ætla ekki að leyfa því sem er "hið ytra" að eyðileggja það sem ég hef innra með mér.  "Hið ytra" er tilbeiðsla penings og valds öðru nafni Mammon, þetta vald er byggt á sandi, það tekur frekar enn það gefur, það veldur áhyggjum og tortryggni, fólk verður bugað af ótta og sorg, vegna þess að fólkið fór að tilbiðja það sem virtist gefa þeim alla þá lífsins hamingju sem það gæti hugnast.

En eins alltaf þá er "Mammon" ekkert nema tálsýn, eins og við sjáum í dag, en í stað þess að leyfa neikvæðni, ótta og sorg að stjórna þér sakir "hins ytra", leitaðu þá með mér inn á við og sæktu í það sem gott er, sæktu í ró og frið, það sem er jákvætt og uppbyggjandi.  Þetta er ekki auðvelt til að byrja með, en, það verður auðveldara.

 Áður en ég held áfram þá vil ég segja að ég er öryrki, ég hef haft úr svo litlu að moða undanfarin ár, að ég hef þurft að þiggja hjálp og biðja um hjálp, en það var ekki fyrr en ég fór að leita inn á við og tala við Guð að ég fór að fá frið út af fjármálum og erfiðleikum. Ég bið ykkur líka fyrir allra muni að ef þið eruð komin í þunglyndi að sækja strax til lækna, ekki bíða.

Næstu skref sem ég skrifa um eru raunveruleg skref sem ég byrjaði að taka og gera reglulega, sem trúaður einstaklingur var ég ekki alltaf í messum eða biðjandi, ég hafði sterka trú, en ég vanrækti samt hið innra með mér, samband mitt við almættið.  Eftirfarandi eru mín spor inn á við.

1. sækja kirkju, kyrrðarstundir reglulega.

2. Fara út að ganga, labba með Guði vera í bæn þar til friður kemur yfir þig og þú ert endurnærð/ur

3.  Lesa orðið, stundum er nóg að byrja á því að lesa litlar bækur sem hafa daglegt orð og hugleiðslu eins og "dýrmætara en Gull"

4.  Telja blessanir þínar, þær eru svo margar, og þakka Guði fyrir, já þakka Guði fyrir, jafnvel í erfiðleikum, það er ótrúlegt hvað bænargáttin opnast við þakklæti í erfiðleikum.

Þetta er svona í i hnotskurn sem ég hef gert.  Næsta sem ég ætla að kenna ykkur er Jesú bænin, hún hjálpar þér að slaka á, með því að nota hana til þess meðal annars að anda rétt og fara inn í slökun.

Drottinn Jesú

Sonur Guðs

Miskunna þú mér/oss

Syndaranum

Segðu hverja línu, andaðu djúpt að þér alla leið niður í maga þannig að hann þenst út, og svo frá þér hægt og rólega, notaðu orðin í bæn Jesú til þess að finna þinn takt.  Segðu þessa bæn hvenær sem er hvar sem er, í vinnu, í bílnum, að vaska upp úti að labba, hvar sem er og þú munt byrja að finna frið, næst er það "Faðir vorið" farðu með það þegar þú ert tilbúin og taktu hvert orð í kyrrð og einlægni sendu það inn á við Þar sem Drottinn heyrir bæn þín eins og hróp til himnanna.  Mundu að allt með Drottni megnar þú. Látum ritninguna vera lokaorð fyrir þessa færslu.

Neðangreint er úr Jóhannesi 6, smella hér

25Þeir fundu hann hinum megin við vatnið og spurðu hann: "Rabbí, nær komstu hingað?"

    26Jesús svaraði þeim: "Sannlega, sannlega segi ég yður: Þér leitið mín ekki af því, að þér sáuð tákn, heldur af því, að þér átuð af brauðunum og urðuð mettir.

    27Aflið yður eigi þeirrar fæðu, sem eyðist, heldur þeirrar fæðu, sem varir til eilífs lífs og Mannssonurinn mun gefa yður. Því á hann hefur faðirinn, Guð sjálfur, sett innsigli sitt."

    28Þá sögðu þeir við hann: "Hvað eigum vér að gjöra, svo að vér vinnum verk Guðs?"

    29Jesús svaraði þeim: "Þetta er verk Guðs, að þér trúið á þann, sem hann sendi."

    30Þeir spurðu hann þá: "Hvaða tákn gjörir þú, svo að vér sjáum og trúum þér? Hvað afrekar þú?

    31Feður vorir átu manna í eyðimörkinni, eins og ritað er: ,Brauð af himni gaf hann þeim að eta."`

    32Jesús sagði við þá: "Sannlega, sannlega segi ég yður: Móse gaf yður ekki brauðið af himni, heldur gefur faðir minn yður hið sanna brauð af himni.

    33Brauð Guðs er sá, sem stígur niður af himni og gefur heiminum líf."

    34Þá sögðu þeir við hann: "Herra, gef oss ætíð þetta brauð."

    35Jesús sagði þeim: "Ég er brauð lífsins. Þann mun ekki hungra, sem til mín kemur, og þann aldrei þyrsta, sem á mig trúir.

    36En ég hef sagt við yður: Þér hafið séð mig og trúið þó ekki.

    37Allt sem faðirinn gefur mér, mun koma til mín, og þann sem kemur til mín, mun ég alls eigi brott reka.

Bréf Páls til Filippímann 4:13
Allt megna ég fyrir hjálp hans, sem mig styrkan gjörir.

IMF-beiðni frestað