Vissir þú að kristnir eru að deyja fyrir trú sína, myrtir, pintaðir...

Fyrir að það eitt að hafa tekið trú á Jesú Krist og neita að afneita honum, konur, börn og karlmenn út um heim allan falla fyrir öflum mannvonskunnar, er ekki kominn tími til að við horfumst í augu við þjáningar þeirra og hjálpum þeim að bera þær. 

saga Múslima sem taka trú á Krist í Bretlandi

Þetta er átakanleg frétt í 4 hlutum, það er ekki hægt að komast hjá því að segja frá þessu, ég tek það fram að mikill meiri hluti Múslima stunda ekki ofsóknir af þessu tagi, hinsvegar þegar við skoðum málið út frá þeim tölum að 5-7% aðhyllast Sharia sem á rætur sínar í Sádí Arabíu og er rótin af öfga Íslam þá erum við að tala um milljónir manna.  Núna tek ég upp hanskana fyrir Múslima sem hafa gengið á veg Kristinnar trúar í Bretlandi og saga þeirra er enn hræðilegir í Mið-Austurlöndum sem verður tekin fyrir síðar.  Við verðum að horfast í augu við þessi mál, og koma þessu í gegnum  ,,Þagnarsvelg" fjölmiðlana.  Við fáum engu breytt með því að grafa höfuðið ofan í sandinn og segja svona kemur ekki fyrir hér, eða þetta er svo lágt hlutfall.  Staðreyndin er sú að þetta er komið til að vera, og eins og aðrar fréttir ber okkur að koma þessu á framfæri eftir bestu getu.

Þagnarsvelgurinn, þegar kemur að ofsónum gegn Kristnum í heiminu

Ég birti hér í dag eitt myndband sem er byrjunin á nýrri áherslu hjá mér á ofsóknum gegn kristnum.

Kristnir menn í Írak óttast árásir

Hefndin er mín...

svo segir Drottinn í sínu helga riti.  En það þýðir ekki að við í þessari þjóð, getum ekki sótt þá sem eiga sök á því að kollsteypa þjóðinni, til saka og dæma þá samkvæmt lögum þessa lands.

Það undarlega er, að ég finn ekki til neinnar gleði eða léttis, þetta er bara áframhaldandi sorgarsaga í sögu okkar lands.  Aðstandendur þessa manna þurfa á horfa upp á þá ganga veg réttarkerfisins og taka því sem koma skal. Við verðum samt að hafa í huga að enginn er öðrum betri í þessu lífi, og vera orðvör, ekki vegna þeirra sem standa að hruninu heldur barna þeirra. 

Látum ekki hatur stjórna okkur, heldur réttlæti.  Við sem þjóð þurfum að takast á við þennan siðferðisbrest og láta þetta verða okkur að lexíu.  Með sterku siðferði og samkennd gagnvart náunganum, fáum við bara það sem er gott til baka.  Nýtt siðferði nýtt Íslands.

RÚV: Tveir handteknir til viðbótar

Er gjörsamlega hugfangin af þessum fugli

Sumarið hjá mér kemur ekki fyrr en ég heyri í honum, það er eitthvað svo yndislegt við hann, róandi í sumarkyrrðinni, ásamt Lóunni..yndislegt alveg.

Hrossagaukurinn flaggar til að sýna ást sína

Skelfilegt og sorglegt í senn

Hvað er hægt að gera, við Íslendingar höfum alltaf staðið saman þegar á bjátar, við höfum tekið höndum saman og safnað peningum þegar erlendar hamfarir eiga sér stað, er ekki komin tími á að við förum að skoða hvað við getum gert til þessa að hjálpa bændum í þessari aðstöðu.  Að undirbúa það þannig að hægt verður að bjarga búum og fjölskildum sem búa við þessar aðstæður.

Ég er hvorki jarðfræðingur, jarðeðlisfræðingur eða garðyrkjufræðingur, en ég get gefið í söfnun, ég og aðrir getum eflaust gefið af okkur.  Það hlýtur að vera lausn og við getum eflaust fundið hana í sameiningu.

En hvað veit ég borgarbarnið, ég dáist að þessu fólki sem hefur meira hugrekki í litla fingri en flest okkar sem búum ekki við þessar aðstæður.  

Því er það eina sem ég get sagt: hvað er til ráða og hvernig get ég hjálpað?  Ég efast ekki um að það er margir að hugsa það sama.

Guð allt megnum við fyrir þig sem oss styrkan gjörir.

 

Mun fjúka hér í allt sumar

Þögn sem er ærandi..

Hver veit, eitt er víst að miðað við draum sem marga dreymir, þá er þetta langt því frá að vera búið, sjálf hef ég haft drauma sem spáðu fyrir um Fimmvörðuháls síðan Eyjafjallajökul.  Enn hvað um það, fólk verður bara að hafa það í huga að á þessum tíma er allt mögulegt.  Guð einn veit um framhaldið, en maður spyr sig samt..hví dreymir mig fyrir þessum hamförum.

Ég vona að ég hafi rangt fyrir mér.

Almáttugur Faðir, ég legg þjóð mín í þínar hendur.

Úr Davíðsálmi 3 kafla.

 

En þú, Drottinn, ert skjöldur minn, sæmd mín og lætur mig bera höfuðið hátt. Ég hrópa hátt til Drottins og hann svarar af sínu heilaga fjalli. (Sela) Ég leggst til hvíldar og sofna, ég vakna því að Drottinn hjálpar mér.

Engin hreyfing undir Kötlu

Ætlar fólk virkilega að sitja heima..Kjósið

Drífið ykkur út, látið ekki vaða yfir ykkur, með lygum og áróðri, álit þitt skiptir máli og ef þú vilt fá að tjá þig um framhaldið verður þú að kjósa. Að kjósa ekki,  er aumingjaskapur og ekkert annað, út og kjósið, við erum Íslendingar ekki hræddar litlar mýs..eða hvað?

 

What country can preserve its liberties if its rulers are not warned from time to time that their people preserve the spirit of resistance?-Thomas Jefferson

Frekar dræm kjörsókn

þvílíkt bull

Kanarnir get séð um sína eigin ímyndaða eða raunverulegu hryðjuverkamenn, án þess að blanda okkur í málið, við eigum nóg með að díla við Bullurnar Breta og þeirra hryðjuverkastimpil á okkur, án þess að við förum að taka rusl frá BNA.

 

 

Leggur til að fangar verði fluttir til Íslands

Darling, Darling...

Let me make this simple for you, we are not refusing to pay.  How hard can it be for you to understand this.  We are calling for a fair treatment, payment will be made, we will honor any and all legal obligations, but we will not be treated with disrespect and unreasonable deals from your nation or any other nation. 

Perhaps people should ask them self, if they´d be prepared to take on the same type of burden that we in Iceland are being asked to take.  I seriously doubt it.  

Threats are the fools abuse of power.

 

Bretar leita til ESB

ÞÚ SKALT LIFA....

Ég var bara ekki alveg viss hvað ég ætti að setja í fyrirsögn, helst vegna þess að einn af bloggurum mbl hefur haft aðfinnslur af  atburðum sem spruttu út frá hræðilegu sjóslysi við strendur okkar, notar orð eins og "trúarklám" svo ekki sé meira sagt.

 

Við sem höfum lesið frásögn þess sem komst lífs af, og er m.a  mjög skírt tekið komið fram að farið hafi verið með Faðirvorið á þessari ögurstund, annað er ekki hægt að lesa úr þessu en það, að báðir voru þessir menn að undirbúa sig að gefa líf sitt í hendur Guðs.

 

Ekki fæ ég lesið úr því að slíkt sé "trúarklám".  Síðan er veitt leyfi að leyfa frásögn um hina fullkomnu fórn sem var gerð í ísköldum sjónum á ögurstund milli lífs og dauða.  "þú skalt lifa" voru þau orð sem notuð voru. " er það trúarklám að gefa leyfi á frásögn um slíka fórn"? 

Þetta eru orð með djúpa þýðingu, bæði fyrir sakir þess sem komst lífs af og þess sem lagði líf sitt í sölurnar fyrir annan mann.

Hafir þú einhverja almenna vitneskju um ritninguna þá veist þú að þessi fórn er æðsta fórn sem maður getur gert fyrir aðra persónu, að fórna lífi sínu fyrir annan er fullkomin kærleikur og ást.  Jesú gerði slíkt og þessi maður gerði slíkt hið sama.  Blessuð sé minning hans.

Í Jóh 15:13 segir m.a þetta 

Þetta er mitt boðorð, að þér elskið hvert annað eins og ég hef elskað yður. Enginn á meiri kærleik en þann að leggja líf sitt í sölurnar fyrir vini sína.

Er það ekki merkilegt að þeir sem ekki trúa, fara í orðastríð gegn þeim sem höfðu fengið leyfi ættingja til að birta nákvæmlega frásögn um slíkan kærleika og gera lítið úr því sem snerti hjörtu okkar djúpt.

Megi þessi orð "þú skalt lifa" ávalt minna okkur á að Jesú gaf upp líf sitt svo við mættum lifa, rétt eins og sjómaðurinn sem sagði þessi orð, magnþrunginn kærleikur og já kraftaverk í sinni hreinustu mynd.

Ég bið að Guð blessi hvert ykkar og geymi á þessum ögurtímum sem við lifum.

 

 

Fíló umræðan kallar á naflaskoðun allra samfélaga og kirkna.

Ég veit að það er afskaplega erfitt fyrir marga að sætta sig við hvað Ritningin hefur að geyma sérstakleg þegar það kemur að syndinni, þá verður Biblían gömul rulla sem maður þarf ekki lengur að fara eftir, hún er ekki rétti siðferðislegi mælikvarðinn lengur o.s.fv.  Jesú hafði eitt siðferði og það var siðferði Guðs, fullt af kærleika til okkar, fyrirgefningu til okkar, kennslu til okkar og hann hélt uppi spegli samfélagsins þá og í dag.

Við erum öll syndug, eingin á þessari jörðu í dag er syndlaus. Sá sem hafði þann heiður dó á krossinum fyrir 2000 árum síðan, og tók á sig syndina, en viti menn hann tók ekki á sig iðrunina, heldur tekur hann við henni í dag á hverri einustu mínútu, sekúndu tekur hann á móti iðruninni frá fólki eins og þér og mér.

Hann krefst þess að við iðrumst og biðjum stöðugt, hann krefst þess að við sínum hvort öðru kærleika enn ástundum leiðréttingu ef þess er þörf.

Ég ætla ekki að nefna einu nafni eina synd sem gæti komið til greina að þurfi leiðréttingu.  Heldur vildi ég segja að öll höfum við syndgað og skortum dýrð Guðs, en öll höfum við möguleika á fyrirgefningu punktur.

En þetta nýjasta dæmi í fjölmiðlum sínir okkur einfaldlega að kirkjan verður að taka sér tak, prestar verða að hafa þor og dug að vinna við að kenna að allir iðrist synda sinna og benda á allt sem miður fer, þegar tekið er tillit til hinna Guðlegu "siðferðislegu mælistiku". Auk þess sem slíkt mun gefa kirkjunni líf að hafa þor og dug að taka fyrir öll málefni sem eru erfið, að gera engan greinamun á syndaranum.  Ein synd er engu stærri en önnur synd.

Þetta hefur kirkjan gert um aldaraðir, en núna er "samfélagslegrétthugsun" sem ræður ríkjum, það mætti segja að þetta séu hin nýju trúarbrögð þar sem hið mannalega siðferði er talið það eina sem þarf til.

Því er það tilvalið að kirkjan standi á hinu "Guðlega siðferði" tali hreint út til allra, hætti að tala undir rós, haldi síðan ljósi fyrirgefningar á lofti, kærleikans og lausnirnar sem er í Jesú Kristi syni Guðs.  Enga hræsni, enga afsökun heldur hreinleiki, kærleiki og heiðarleiki í einu og öllu.  Þar til við sitjum saman við sama borð ekki einn öðrum betri, hönd í hönd, syndug fyrir framan frelsara okkar og biðjum hann vægðar af okkar hegðun, hroka og hjáguðsdýrkun.(samfélagsleg rétthugsun svo dæmi sé tekið)

Að lokum, það er kraftur í orði Guðs, hvort um sé að ræða kærleikskennsla, leiðrétting á líferni, hátterni, fyrirgefning og dýrð sem fá orð fá lýst.  Verum bræður og sistur í raun, látum ekkert ógert til að fólk öðlist fyrirgefningu, en munum og höfum það alltaf að leiðarljósi að öll erum við syndug og við getum ekkert aðhafst nema gera iðrun sjálf og breyta okkur sjálf, að halda uppi spegli Jesú og gera sömu kröfur til okkar og við gerum til annarra í samfélaginu.

Ég bið að almáttur Guð varðveiti okkur hvert og eitt og núna þegar við undirbúum Kristmessu, skulum við sýna hvort öðru kærleika (sem og alltaf) og gefa ekki óvininum færi á okkur til þess að nota okkur í sínu stríði við samfélag Krists.