Pósturinn á réttum tíma

Þetta kallast kraftaverk og ekkert annað. 

Greip barn sem datt út um glugga

Óánægja með lokun bloggs öööööööööö

Hvernig væri að segja satt, óánægja kemur ekki nálægt reiðinni sem fólk finnur fyrir þessari aðför að máfrelsi, og tjáningu almúgans ef svo má að orði komast.  Þetta er bull, sérstaklega þegar tekið er tillit til þess að það skiptir greinilega meira máli að virða (Í) og það er í lagi að skíta yfir önnur trúarbrögð eins og t.d. Kristni og ekki bara það , heldur er í lagi að taka fyrir persónur á þessum sömu hatursbloggum á svo svívirðilega hátt að maður fékk sting í hjartað. 

Mig langar að leggja fram spurningu svona í lokinn, hvenær er þýðandi ábyrgur orða manna sem skrifaði hin upprunalegu orð? Áður en þið svarið þessari spurningu, þessir aðilar voru (M) og fyrirum (M) sem skrifuðu um öfgar innan (I) og skrifuðu um haturáróður í viðeigandi helgi ritum (I).

Þar sem ekki er leyfilegt að ræða um (Í).... á opnum vettvangi verði þið að nota ímyndunaraflið., ég held að það sé ennþá leyfilegt...

Óánægja með lokun umdeilds bloggs

Hér kemur Wahhabismi mjög svo við

Ætli þessi frétt geti flokkast undir fordóma gegn trúarbrögðum. En Sádar tileinka sér það sem heitir Wahhabismi, þetta er róttæk taka á Qur'an. Wahhambisminn er meðal annars leiðandi arfleið í fylkingum þeirra sem stunda hryðjuverk (Bin L) innan ÖI (þið afsakið skammstöfunina, þá má víst ekki nefna þessi trúarbrögð eða öfgar á nafn) Ef þessari síðu verður lokað þá vitið þið af hverju.

Viljið þið "fræðast" um Wahhabisma þá getið þið smellt á hlekki í greininn hérna fyrir ofan.

 

 

 

Konum meinað að fullorðnast í Sádi-Arabíu

Mig dreymdi dauðan páfagauk

veit ekki hvað það þýðir, en sumarið sem hitabylgjan var svo mikil að það sást vart til fjalla í Reykjavík dag eftir dag dreymdi mig fullt af páfagaukum í frjálsu flugi í herbergi mínu, núna var einn páfagaukur feitur og pattaralegur, en dauður á gólfi búrsins..ég þori ekki einu sinni að hugsa hvernig veður þetta gæti boðað..já hérna hér. Tek það fram að gaukurinn var fagurgrænn, en dauður var hann..dæs.

Við skulum barasta vera bjartsýn eða hvað...

Hlýindi í kortunum í sumar?

Málfrelsi, hux og meira til

Mikil umræða hefur verið í gangi vegna lokunnar á vef Skúla Skúlasonar, þessi umræða hefur farið fram á mismunandi bloggum, með mismunandi fáguðu orðabragði, þetta var og er allt í nafni frelsis og tjáningarfrelsis sem ég og aðrir eru á að hafi verið traðkað á.

En nóg um það, þessi færsla er í raun ekki um málfrelsið, heldur miklu frekar um að þegar stríðandi heimar mætast, sem hér hefur gerst og ég efast um að nokkur maður hafni því, þá kemur fyrir að fólk mætir öðru fólki sem heillar mann með framkomu sinni og hreinskilni, stundum er erfitt að sjá þetta fólk í fyrstu sakir ástríðu umræðunnar, en smátt og smátt heyrist rödd þeirra í gegnum allan kliðinn og maður sér að þarna er loksins komið ljós sem maður vill að fái að skína og njóta sín, þrátt fyrir að vera öndverðu megin í erfiðri umræðu.

Stundum er erfitt að taka skerf út frá því sem maður veit eða telur sig vita, til að sjá hvað maður veit ekki, hér á ég við að þegar hófsamir Múslímar láta heyra í sér, þegar þögnin var ærandi frá þeim hópi áður, að svo virðist, þá verðum við að að kalla á þögn í okkur sjálfum svo rödd þeirra fái heyrst. Hvernig heyrum við í þeim ef við kveðum þá niður strax í byrjun?  Það er bara ekki nálægt því að vera réttlátt.  Hvernig fáum við svör ef við spyrjum ekki spurninga?

Við sem lásum skrif Skúla að staðaldri höfum heyrt um öfgar og menningarheim sem er svo ólíkur okkar að það virðist sem hann komi frá annarri plánetu, en á sama tíma hef ég gert mér grein fyrir því að það er hinn almenni Múslími sem ég vildi fá að heyra í, og ég sagði oft að þögnin úr þeirra röðum væri ærandi og kannski ekki svo óskiljanlegt þegar maður skoðar t.d. England þar sem hófsamir hafa fengið hótannir frá öfgamönnum innan Íslam. en við erum ekki í Englandi og því er þögnin en meira ærandi fyrir vikið.

Þýðir þetta að ég mun hætta að skrifa um þessi mál, þegar það kemur að óréttlætinu sem Kristnir þurfa að sæta í þeirra menningar heimi sem og annarra, vitanlega ekki. Þessir hlutir gerast og þeir eiga vissulega að fá sinn hljómgrunn áfram. Mun ég hætta að skrifa um óréttlátar kröfur úr viðjum öfgamanna í Evrópu sem ætlast til þess að við aðlögumst þeirra menningarheimi í stað þess að þeir aðlagist okkar heimi, vitanlega ekki.  En, e.t.v. núna þegar ég skrifa þær greinar (þýði) þá fáum við kannski sjónarmið hófsama inn í dæmið sem þekkja þennan menningarheim betur en við. 

Það verður líka að gæta réttlætis í þeirri kröfu til hófsamra að við krefjum þá ekki um meiri vitneskju en þeir þekkja, þá á ég við út frá þeirra upplifun og skilningin þegar það kemur að málum öfga og stríðandi fylkinga innan Íslam. Ég get ekki vitað um allt sem tengist minni trú, ég þekki kaþólikka en ég skil ekki allt sem gengur á þar og sögu þeirra, ég geri mér grein fyrir því að saga þeirra er mun meiri en það sem ég sé út á við. Þetta á líka við þá sem stunda  Íslam.  Þetta dregur hinsvegar ekki úr þeirri þörf að við verðum að reyna að læra að setja saman flókið púsl til þess að reyna fá rétta mynd, og hún er hjá einstaklingnum, ekki trúarleiðtoga eða stjórnmálaleiðtoga.

Þetta er hinsvegar ekki allt það sem bloggið mitt gengur út á, þó það ku e.t.v. virðast þannig, ég skrifa um mína trú og mína upplifun, ég mun skrifa áfram um mál sem vekja athygli mína sem tengjast ekki trú minni eða annarra, og íhugun verður áfram á sínum stað.

Trúin mín er í eðli sínu fögur og friðelskandi, en ég ber ekki ábyrgð á því sem forfeður gerðu gegn vilja ritninganna (Nt)augljóslega. Lúther var einn af mörgum kristnum mönnum (ekki fullkomin) sem kom á breytingu til hins betra og þó margir halda áfram að traðka á trú minni þá fá þeir engu breytt um þá miklu og jákvæðu arfleið sem trúin á Jesú hefur haft í för með sér. En ef að Kristnir gera eitthvað sem er ekki samkvæmt ritningunni, ber mér og öðrum innan trúarinn að hafna slíku og ekki með þögninni, veljum við þögnina verðum við um leið samábyrg gjörðum svikula og rangláta manna.

Nú hafið þið náð að lesa allt þetta og náð einhverju samhengi þá eruð þið einfaldlega hetjur.  Ég þakka lesturinn og viðurkenni fúslega að ég er gjörsamlega andlega úrvinda og læt þessa færslu af stað án frekari pælninga..sheesh hvað maður getur skrifað.

************************************************

Smá viðbótar hux ég bið forláts- Þegar frelsi er í hávegum haft, verðum við að verja það með öllum krafti, það var dýrkeypt fyrir okkar menningarheim, það er ekki fullkomið það á sínar ljótu hliðar, en slíkt er hluti af flórunni, ég þarf ekki að láta þá sem hata trú mína eða alla trú fá að tjá sig þeygjandi og hljóðalaust af minni hálfu, ég get og mun mótmæla þegar þess er þörf enda er slíkt bara minn réttur sem og allra þegna í íslensku samfélagi. (Ég bið ykkur ekki að lesa úr þessu að ég styðji núna ritskoðun) Núna er ég búin, lofa...

 

Týnd með Guði

Drottinn minn, Guð ég hef enga hugmynd um hvert ég er að fara. Ég sé ekki veginn sem er framtíð mín. Ég get ekki vitað með fullri vissu hvar þessi vegur mun enda. Svo er því nú þannig farið að ég þekki varla sjálfa(n) mig, og sú staðreynd að ég held að ég sé að fylgja þér, en það þýðir ekki að ég sé í raun að fylgja þér.  En ég trúi því að ástríða mín til þessa að gera vilja þinn, veldur þér gleði. Ég vona líka að ég mun aldrei gera neitt sem mun gera mig  fráhverfa frá þeirri ástríðu.  Auk þess veit ég að ég geri þetta fyrir þig, þá munt þú leiða mig á réttan veg, jafnvel þó ég viti ekkert um það. Þess vegna mun ég treysta á þig alltaf, jafnvel þó svo að ég virðist vera týnd og fari um dimman dal veit ég að ég hef ekkert að óttast, því þú skilur mig aldrei aleina(n) þegar erfiðleikar steðja að.

-Thomas Merton.

 ***********************************

Íhugun - Ég veit að ég get aldrei fyllilega gert þessum orðum Thomas Merton fyllilega skil, og ég vona að mér verði fyrirgefið mín þýðing á þeim, en ég mátti til með að reyna, því þau hreyfðu við mér þegar ég las þau og ég vildi svo fá að deila þeim með ykkur og það á íslensku svo að allir gætu skilið.  stundum þegar maður er í stormi og maður veit varla í hvern fótinn að stíga fyrst þá er oft langbest að anda rólega íhuga það sem gefur okkur frið eins og þessi orða Thomas Mertons og orð Guðs fyrir okkur,  sem eru einfaldlega aldrei úr tísku. 23 Davíðs sálmur er oftast notaður þegar dauða steðjar að, en mér þykir hann frekar vera um lífið sjálft og handleiðslu Guðs.

 

Bara svo að fólki átti sig á því

þá er þetta sjúklegt dæmi um öfgar í trúarbrögðum, sem eiga eftir að aukast ef fólki er ekki leyft að rýna í rit okkar eins og t.d. Nt, Qur'an sem og önnur trúarrit.  Það er með trú eins og annað, ekki skrifa undir neitt, ekki samþiggja neitt nema að þú hafir grandskoðað málið út frá eigin forsendum, geri fólk slíkt þá lærir það að þekkja hvað er rétt og hvað er rangt. Þetta tilfelli, er afsprengi af trú Mormóna, sem lúta boðskap Jósefs Smiths. Trúin getur verið blessun inn í líf einstaklings, en um leið og menn fara stunda kúgun, ofbeldi og nauðganir  þá erum við komin út kúltisma og öfgar. Okkur ber að varast allt slíkt. Jesú sagði sjálfur að við ættum að sannreyna orð annarra með ritningunni. það var ekki gert þegar Jósef Smith skrifaði sína bók. 

 

416 forræðismál í einu

Viðtal við Skúla Skúlason úhýstum mogga bloggara

Á DV, hér er hlekkurinn smellið hér . 

Voltaire fær orðið eina ferðina enn og eins oft og hægt er þar til fólk skilur hvernig málfrelsi er varið. ef orðið "en" kemur inn í málið þitt þegar þú ræðir málfrelsi þá ertu ekki alveg að fatta conceptið.

"ég er ósammála því sem þú segir, en ég mun verja með lífi mínu rétt þinn til að segja það."

 

Þeim var bannað að fara í laugina, þeir voru ekki Múslímar

Dailymail 17.04.2008 - þeim var heldur brugðið feðgunum sem ætluð að fara í sund í bænum þar sem þeir búa, nánar tiltekið Clissold Leisure Centre í  Stoke Newington, Austur London.

Maðurinn Davíd T og 10 ára sonur hans fengu ekki að fara í sund sakir þess að þeir voru ekki Múslímar eða Íslams trúar.  Sá tími sem feðgarnir ætluðu að fara í sund hafði víst verið tekin frá fyrir sérþarfir Múslíma sem hafa stranga aðskilnaðarstefnu sakir trúar.

"Ég spurði hvort að það væri nú ekki í lagi að ég og sonur minn fengum aðgang þar sem við væru já báðir karlmenn, þá var mér sagt að þessi tími væri bara fyrir Múslíma.  Ég vildi næst fá að tala við sundlaugarvörð og vildi fá staðfestingu á þessu, sem hann gerði.

Þessi tími frá kl 8 til 9:30 á hverjum sunnudags morgni er ætlaður sem blygðunarlaus sundtími fyrir Múslíma karlmenn.

Haft er eftir heimildarmanni að það ekki sé hægt að loka sundlaugum  sakir trúar eða sérþarfa trúarbragða og að starfsmenn laugarinnar hafi ekki haft heimild til þess að gera slíkt. 

Innskot(mín orð) - einmitt það já, en ef það var búið að auglýsa slíkt er þetta ekki bara enn annað dæmi um Dhimmi hugsunarhátt Breta þessa daganna. Er þetta það sem friðelskandi umburðalyndir Íslendingar vilja fyrir sitt land, eða halda þessir sumu friðelskandi, umburðalyndu, íslenskir naívistar að við verðum eitthvað undan skilin kröfum Íslam(istans) þegar að því kemur.  Þið fyrirgefið vonandi, ég gleymi því stundum að við erum, klárust og best í heimi og því munu við ekki þurfa að hafa áhyggjur af því sem gengur núna yfir bærður okkar Breta, Dana, Norðmenn, Svía, Hollendinga, Þjóðverja....

Hægt er að lesa alla greinina með því að smella hér grein er lauslega þýdd og endursögð af bloggara.

 

Ég man ekki hver sagði eftirfarandi orð en þau eru á þessa leið "ég er ekki sammála því sem þú segir, en ég virði þinn lýðræðislegan rétt til þess að segja það"að gefnu tilefni þá tileinka ég þetta blogg hinum umdeilda bloggara Skúla Skúlasyni sem hefur verið fórnað að altari hins nýja "ekki 100% málfrelsi" sem virðist lúta auknum vinsældum hér á landi. 

LENGI LIFI MÁLFRELSI, LENGI LIFI LÝÐRÆÐI!!! Verður blogginu mínu lokað þá vitið þið hvers vegna. Nú svo bara til vonar og vara þó ég eigi ekki að þurfa að segja það, þá veit ég vel að hér eru öfga Múslímar, Íslam(istar) á ferð, en það breytir ekki þróun framferði þeirra, þar sem þeir setjast að.

Bréf frá Litlahrauni

Set hér inn úrtekt af bréfi sem er í bloggfærslu hér á mbl, þetta er yndislegt bréf sem flestir ættu að lesa. 

Úrtekt:

 Gunnar Jóhann , trúboði Jesú Krists á Litla Hrauni heilsar öllum heilögum í Hvítasunnukirkjunni í Keflavík. Megi náð og friður margfaldast ykkar á meðal í Jesú nafni.

Þegar ég kom í fangelsið á Skólavörðustíg 9 tóku fangaverðirnir vel á móti mér. Þeir áttu von á mér og þekktu mig

Ég fæ að taka eina bók með mér og síðan er ég lokaður inni í einangrunarklefa, því fangelsið var fullsetið

Þetta var alveg ótrúlegt, drenginn hafði dreymt að einhver hefði komið til hans í klefann, í hvítum slopp og með biblíu í hendinni að færa honum.  Hvað var að gerast ?

******************************************************************************

Ofangreint eru nokkrar setningar úr yndislegur bréfi sem gefur manni innsýn inn í kraft og kærleika Jesú Krists.

Smellið hér til að lesa bréfið í heildsinni.  Lokað er fyrir athugasemdir hjá mér, þar sem ég setti ekki inn upprunalegu færsluna, hægt er að skrifa hjá Kidda.

 

Hvað var Rúv að hugsa að gefa meintum ofbeldismanni orðið

í sjónvarpinu, maður er sakaður um skelfilegt morð í heimalandi sínu, nafn hans hefur verið bendlað við árásina á samlanda hans í Keilufellinu og hann fær viðtal í sjónvarpinu, hvaða skilaboð sendir þetta til hins almenna nýja Íslendings, Pólverjans Mér líður eins og ég þurfi að biðja þá afsökunar á þessu klúðri hjá Rúv .  Mig langar að skrifa meira um þetta en  ég er of reið til þess.

Ég var búin að fjalla um þetta mál á undan mbl

Mbl gefur hinsvegar ekki nægilega upplýsingar um aðdraganda málsins sem er hægt að lesa um með því að smella hér in í þessum hlekk hjá mér líka hægt að smella á hlekk til að fá fréttina í heildsinni á ensku.

Átta ára stúlku veittur lögskilnaður