Stormar lífsins og náttúrunnar

Mikið gengur á hér heima fyrir, efnahagsstormar, andlegir stormar og svo kemur náttúran með smá hressingu til að krydda upp á þegar of kryddaða tilveru, en svona er lífið.

Ég hvet alla þá sem vettlingi geta valdið að biðja fyrir fólkinu sem er að takast á við þetta hræðilega ástand á Indlandi, að biðja fyrir fjölskildu starfsmanni SOS sem var myrtur á vinnustað sínum hjá SOS, biðjum fyrir þeim sem á okkar landi þjást sakir áhyggna, þeim sem leyfa reiðinni að ná stjórn á sér, biðjum fyrir landi okkar í allri sinni mynd og fjölbreytni. Biðjum Guð að leiða okkur fram í réttlæti fyrir sakir sonar hans Jesú Krists.

Sálmarnir 40

¹Til söngstjórans. Davíðssálmur.
²Stöðugt vonaði ég á Drottin
og hann laut niður að mér og heyrði ákall mitt.
³Hann dró mig upp úr glötunargröfinni,
upp úr fúafeni,
veitti mér fótfestu á kletti
og gerði mig styrkan í gangi.
⁴Hann lagði mér ný ljóð í munn,
lofsöng til Guðs vors.
Margir sjá það og óttast
og treysta Drottni.
⁵Sæll er sá maður sem gerir Drottin að athvarfi sínu
og snýr sér ekki til dramblátra
eða þeirra sem fylgja falsguðum.
⁶Drottinn, Guð minn, mörg eru máttarverk þín
og áform þín oss til handa,
ekkert jafnast á við þig.
Ég vil segja frá þeim, kunngjöra þau,
en þau eru fleiri en tölu verði á komið.
⁷Á sláturfórn og kornfórn hefur þú enga þóknun,
þú hefur gefið mér opin eyru,
brennifórnar og syndafórnar krefst þú ekki.
⁸Þá sagði ég: „Hér er ég.
Í bókinni er skrifað hvað ég á að gera.
⁹Að gera vilja þinn, Guð minn, er mér yndi
og lögmál þitt er innra með mér.“
¹⁰Ég hef flutt fagnaðarboðin um réttlæti í stórum söfnuði,
ég lauk ekki vörunum aftur,
það veist þú, Drottinn.
¹¹Ég leyndi eigi réttlæti þínu í hjarta mér,
ég vitnaði um trúfesti þína og hjálp
og dró eigi dul á náð þína og tryggð
í hinum mikla söfnuði.
¹²Tak þú eigi miskunn þína frá mér, Drottinn,
lát náð þína og trúfesti ætíð vernda mig
¹³því að ótal hættur umkringja mig,
misgjörðir mínar hafa náð mér
svo að ég má eigi sjá,
þær eru fleiri en hárin á höfði mér,
mér fellst hugur.
¹⁴Drottinn, lát þér þóknast að frelsa mig,
Drottinn, skunda mér til hjálpar.
¹⁵Lát þá verða til skammar og hljóta kinnroða
er sitja um líf mitt,
lát þá hverfa aftur með skömm
er óska mér ógæfu.
¹⁶Lát þá sem hrópa að mér háðsyrði
hrylla við eigin smán.
¹⁷En þeir sem leita þín
skulu gleðjast og fagna yfir þér.
Þeir sem unna hjálpræði þínu
skulu sífellt segja: „Mikill er Drottinn.“
¹⁸Ég er hrjáður og snauður
en Drottinn ber umhyggju fyrir mér.
Þú ert fulltingi mitt og frelsari,
tef eigi, Guð minn.

 

Varað við stormi

Athugasemdir

[Rósa Aðalsteinsdóttir, 27.11.2008 kl. 16:40]

Sæl Linda mín.

Hér er mjög hvasst og úrkoma. Þurfti að fara inní apótek fyrir föður minn fyrr í dag og var nú afskaplega fegin þegar ég kom aftur heim. Fór svo seinna og þá var aðeins betra en það gengur á með éljum.

Við höfum séð það hvítara - svartara hér á Vopnafirði og við erum keik.

Sorglegt með manninn á Indlandi. Við vitum að margir sem eru kristnir á Indlandi hafa verið myrtir að undanförnu.

"Varpið allri áhyggju yðar á hann, því að hann ber umhyggju fyrir yður.

Verið algáðir, vakið. Óvinur yðar, djöfullinn, gengur um sem öskrandi ljón, leitandi að þeim, sem hann geti gleypt.

Standið gegn honum, stöðugir í trúnni, og vitið, að bræður yðar um allan heim verða fyrir sömu þjáningum.

En Guð allrar náðar, sem hefur kallað yður í Kristi til sinnar eilífu dýrðar, mun sjálfur, er þér hafið þjáðst um lítinn tíma, fullkomna yður, styrkja og öfluga gjöra.

Hans er mátturinn um aldir alda. Amen." 1. Pét. 5: 7.-11.

Vertu Guði falin

Kær kveðja/Rósa 

[Linda, 27.11.2008 kl. 18:02]

Takk Rósa mín, bara svo vindurinn þeyti þér ekki á haf út, er ég ánægð og viss um að Vopna Rósa mun standa af sér óveður ;) heheh.

Takk fyrir þín fallegu orð úr ritningunni.  Þau eiga svo sannarlega við.

bk.

Linda. 

[Rósa Aðalsteinsdóttir, 27.11.2008 kl. 22:56]

Sæl og blessuð

Nú er gott að hafa góða ballest - kjölfestu.

Vertu Guði falin

Kær kveðja/Rósa 

[Birna Dis Vilbertsdóttir (IP-tala skráð) 28.11.2008 kl. 11:29]

Amen.Esikel 28